小一作戰眾生相　子女落榜媽媽有幾難受？

直資私立小一面試進入尾聲，這場被形容為「音樂椅」遊戲，清楚可以見到家長眾生相。港媽JoyceNgYY在社交網站發帖分享自己的見聞，有家長到傳統男校拔萃男書院附屬小學面試，兒子問為甚麼沒有女生到場面試，並自稱最喜歡英華；也有家長一日趕三場，相當搏命。

1. 追問面試內容

該名港媽表示，在英華小學等候面試期間，有家長追問剛結束面試的兒子面試內容，

阿仔，點呀？In 成點呀？有冇問你時事題呀？無？咁有冇問你關於奧運既題目？又或者司長個名？吓？真係冇？

2. 一日趕幾場面試

報讀直資、私立小學的家長，估計最怕便是面試時間撞期，一日趕三場，恐怕是常態吧！

 （聖芳濟各英文小學交表門外，男子手持電話講緊︰）交咗喇，in 2點半呀… 吓，咩話？撞咗陳守仁？唓，我點知咁多啫，你又唔早講…

（朝早7點搭緊的士去男拔聽簡介會）司機叔叔，唔該男拔門口呀… （到亞皆老街見唔到龍尾時）司機叔叔，呢度有落得架喇（滴汗ing）…

（係聖芳濟各英文小學面試期間）你呢度係第幾場呀？我第3場架喇﹗今朝一早去咗男拔，之後飛的去咗St Paul，再飛黎呢度架！

（係高主教面試期間，有家長call的士）係呀，我想由高主教小學去石門（WKF）呀，行邊絛隧道？冇所謂啦，最緊要快！

3. 分不清楚男女校

傳統男校拔萃男書院附屬小學門口，有面試的小朋友問為甚麼沒有女同學去面試，並稱最喜歡英華，

小朋友問媽媽︰呢間係咩學校黎？男拔會唔會見到林校長架？點解只係得男仔in？咁啲女仔去哂邊？唔… 但我最鍾意都係英華！

4. 面試結果落榜難接受

英華小學出首輪面試，但結果落空，有媽媽表現激動，難以接受，

老公，你對清楚啲啦？咩話？471 同 473 都有，係冇472？（號碼因私隱關係，係我作出黎的。）

5. 大風都掛住睇結果

難得的颱風假日，家長的計劃便是留在家中查看面試結果

（10月20日知道第2日多數掛8號唔洗番工時）嘩，正呀，聽日可專心上網check result 喇！（第一次唔係諗節目去玩…）

上述個案如有雷同，實屬巧合。

【其他熱話】直私小一戰後感　邊間是港媽眼中神校？

【其他熱話】港媽小一戰後感　邊間面試題目最難？

【其他熱話】IB成績龍虎榜 邊間學校最高分？